Mërgimtari nga Zvicra theu rregullat e trafikut në Kosovë, u denoncua tek policia zvicerane

Policia Zvicerane iu përgjigj menjëherë kosovarit, pas denoncimit që bëri.

Një kosovar e denoncoi mërgimtarin nga Zvicra te Policia e Cyrihut, pasi i njëjti kishte kthyer veturën në vendkalimin për këmbësor në Prishtinë.

Policia Zvicerane iu përgjigj menjëherë kosovarit, pas denoncimit që bëri.

Përmes një postimi në Twitter, policia zvicerane ka thënë se ndjekja penale e shkeljeve në Prishtinë u takon autoriteteve kosovare, transmeton lajm, përcjell Albinfo.ch.

“Ju falënderojmë për mesazhin tuaj. Për shkak të mungesës së juridiksionit lokal, ne ia lëmë ndjekjen penale të shkeljeve në Prishtinë autoriteteve lokale të policisë”, thuhet në postimin e policisë zvicerane.

Përgjigja erdhi pasi kosovari që publikoi fotografinë e mërgimtarit në Twitter, e kishte etiketuar policinë e Cyrihut në të.

---