Tregtia sociale, në rritje të shpejtë

Sipas raportit nga eMarketer, rreth 56 milionë banorë në SHBA bëjnë të paktën një blerje në Facebook

Tregtia sociale, tregtia elektronike përmes mediave sociale, po rritet me shpejtësi: vetëm në SHBA pritet të ketë një vlerë prej 36 miliardë dollarësh këtë vit, me Facebook që kryeson.

Sipas raportit nga eMarketer, rreth 56 milionë banorë në SHBA bëjnë të paktën një blerje në Facebook, duke i dhënë gjigantit të medieve sociale një pjesë prej 22,3% nga kjo shumë; 32 milionë të tjerë blejnë patjetër diçka në Instagram (gjithashtu në pronësi të Facebook), duke i caktuar kështu edhe një pjesë të tregut prej 12,9%, transmeton Ansa, përcjell Albinfo.ch.

Lojtari i tretë është Pinterest, me një parashikim prej 13,9 milionë blerësish ose 5,6% të tregut.

Sipas raportit që monitoron trendin amerikan, por që së shpejti do të zgjerohet edhe në vende të tjera, shitjet e tregtisë sociale pritet të rriten me 35,8% në 36,62 miliardë dollarë.

Lider në këtë fushë është Kina: këtë vit rreth 424 milionë njerëz do të bëjnë blerje në platformat e saj, si WeChat.

“SHBA duhet të shohë nga Kina në lidhje me zhvillimin e tregtisë sociale, pasi shumë prej tendencave që do të nxisin rritjen e saj, të tilla si blerja në internet, e kanë origjinën në këtë vend”, shpjegon Jasmine Eenberg, analiste në eMarketer.

 

---