Futboll
Zvicra në Euro 2020: Gëzimet dhe dëshpërimet
Zvicra përfundoi aventurën e saj në Kampionatin Evropian, ku kishte momente dëshpëruese dhe të lumtura
Zvicra arriti deri në çerekfinale të Euro 2020. Suksesi më i madh deri më tani në një Evropian dhe barazim i suksesit me Botërorin e vitit 1954, shkruan albinfo.ch.
Nati e filloi dobët me një barazim me Uellsin dhe humbje 3:0 me Italinë. Ky ishte dëshpërimi më i madh. Nuk munguan kritikat dhe sulmet ndaj futbollistëve. Por, ata iu kundërpërgjigjen me fitoren 3:1 ndaj Turqisë. Kjo i siguroi kalimin në 1/8 e finales, ku përballë kishin kampionët e botës. Shumëkush e ka pritur një humbje, por futbollistët e Zvicrës bënë një mrekulli, duke barazuar 3:3, edhe pse ishin në disavantazh 3:1. Triumfi me penallti ishte një ndjenjë e jashtëzakonshme. Ishte fitorja e parë me eliminim direkt.
Zvicra zhvilloi një lojë shumë të mirë edhe kundër Spanjës, duke barazuar 1:1, e me penallti kësaj radhe nuk kishin fat. Përballë favoritëve luajtën nga minuta e 77-të me një lojtar më pak.
Granit Xhaka zhvilloi një Evropian të jashtëzakonshëm. Ai u shpall lojtari më i mirë i ndeshjes kundër Francës, ku udhëhoqi skuadrën si lider. Nuk luajti ndaj Spanjës, por sërish mbajti fjalim para futbollistëve që e rrethuan në mes. Një lider dhe kapiten i vërtetë.
Xherdan Shaqiri sa herë kritikohet shkëlqen. Nuk e filloi mirë, por shënoi dy gola kundër Turqisë dhe kualifikoi Zvicrën. U zgjodh lojtari i ndeshjes. Shënoi gjithashtu edhe ndaj Spanjës dhe e përmbylli Evropianin me tre gola. Tashmë ka tetë gola në Evropiane dhe Botërore, më shumë se cdo futbollist në histori të Zvicrës. Po ashtu ka shënuar në Kupën e Botës më 2014, Euro 2016, Kupën e Botës 2018 dhe Euro 2021. Kundër Spanjës ishte kapiten. Një Evropian me rekorde për Shaqirin, shkruan tutje albinfo.ch.
Haris Seferoviq shënoi tre gola, prej tyre dy ndaj Francës, ndërsa Zuber ka bërë katër asistime, më shumë se çdo lojtar tjetër në këtë Evropian. Yann Sommer ishte i mrekullueshëm ndaj Spanjës, por edhe Francës. Pas largimit të Shaqirit në minutën e 80-të ndaj Spanjës, portieri mori shiritin e kapitenit dhe zhvilloi një ndeshje të jashtëzakonshme.
Pavarësisht eliminimit në çerekfinale, futbollistët u pritën me brohorima, që tregon se ky Evropian ishte më shumë gëzim se dëshpërim.
Të ngjashme
Të tjera nga Futboll
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik