Koronavirusi: çast pas çasti
Rreziku nga varianti Delta
Rritja e rasteve Delta është vërejtur kryesisht mes moshave më të reja, shumë prej të cilëve janë të pavaksinuar, ose kanë marrë vetëm dozën e tyre të parë
Varianti shumë ngjitës Delta i identifikuar për herë të parë në Indi po bëhet dominues i COVID-19 globalisht, sipas shkencëtarit kryesor të Organizatës Botërore të Shëndetësisë.
Sipas tij, tendenca është shkaktuar nga transmetueshmëria e rritur e variantit, por organizata ka nevojë për më shumë të dhëna për të përcaktuar efektivitetin e vaksinave të ndryshme kundër këtij varianti.
Ndërkohë në Mbretërinë e Bashkuar, Instituti i Shëndetit Publik deklaroi se pothuajse të gjitha rastet e reja të koronavirusit gjatë të shtatë ditëve të fundit janë të variantit Delta.
Rreth 33,630 raste të variantit u regjistruan javën e fundit, sipas Institutit. Varianti Delta mendohet të jetë 65 për qind më i transmetueshëm në familje sesa varianti Alpha, i cili më parë ishte dominues në rastet e Britanisë, transmeton Scan, përcjell albinfo.ch.
Rritja e rasteve Delta është vërejtur kryesisht mes moshave më të reja, shumë prej të cilëve janë të pavaksinuar, ose kanë marrë vetëm dozën e tyre të parë.
Të dhënat e reja të publikuara së fundmi treguan se vaksina AstraZeneca është 92 për qind efektive kundër variantit Delta pas dy dozave dhe vaksina Pfizer është 96 për qind efektive.
Gjermania gjithashtu dha alarmin për variantin Delta, me presidentin e Institutit Robert Koh, i cili paralajmëroi se megjithëse pjesa e variantit në Gjermani është vetëm gjashtë për qind e rasteve të reja aktualisht, po përhapet me një ritëm të shpejtë.
Shkalla e incidencës në Gjermani e rasteve me COVID-19 në shtatë ditët e fundit ra nga 12 në 100,000 persona të Enjten, në 10.3 të Premten. Një javë më parë, niveli i incidencës shtatë ditore të vendit ishte në 19.
Të ngjashme
Të tjera nga Koronavirusi: çast pas çasti
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri