Gjermania heq Zvicrën nga Lista e Rrezikut

Kushdo që vjen në Gjermani nga Zvicra dhe disa vende të tjera përmes rrugës tokësore, nuk do të përballet me asnjë kufizim hyrjeje për shkak të koronës

Për shkak të numrit në rënie të infeksioneve me koronavirus, Qeveria Federale e Gjermanisë ka hequr Zvicrën, Greqinë, pothuajse të gjithë Francën dhe Belgjikën nga lista e zonave të rrezikut, raporton srf.ch.

Vendimi për këtë hyn në fuqi të dielën, më 20 qershor, transmeton albinfo.ch. Instituti gjerman “Robert Koch” e ka bërë të njohur këtë vendim sot, e premte.

Kështu, kushdo që  në të ardhmen vjen në Gjermani nga vendet e përmendura përmes rrugës tokësore, nuk do të përballet më me asnjë kufizim hyrjeje për shkak të koronës.

Megjithatë, për ata që hyjnë në Gjermani përmes rrugës ajrore, mbeten në fuqi rregullat e deritashme: Të gjithë që mbërrijnë me aeroplan, pavarësisht nëse kanë ardhur nga një zonë rreziku apo jo, para nisjes duhet të tregojnë rezultatin negativ të testit, dëshminë e vaksinimit ose një çertifikat që dëshmon shërimin nga Covid – 19.

---