Kosova e Cyrihut fiton përballjen ndaj Dietikon

Skuadra shqiptare në Zvicër po vazhdon me rezultate pozitive

Kosova e Cyrihut është skuadra më e suksesshme në Zvicër, duke arritur suksese në futbollin zviceran dhe duke përfaqësuar në mënyrën më të mirë shqiptarët, shkruan albinfo.ch.

Së fundi, Kosova ka fituar ndaj Dietikon me rezultat 2:0, ku zhvilloi një ndeshje shumë të mirë.

Ruhan Foniqi shënoi në minutën e 45-të në fund të pjesës së parë, kurse në minutën e 59-të shënoi Rinor Avdyli.

Ndeshja ishte e vlefshme për Ligën 1, Grupi 3. Kosova është në vendin e nëntë me 11 pikë.

Në këtë ndeshje mysafir special ka qenë aktori i madh nga Gjilani, Koke Surle, të cilit pas ndeshjes i është dhuruar një fanellë nga ana e skuadrës kuqezi.

---