Gjermanët planifikojnë pushime, pavarësisht pandemisë

Dy në tre persona (64 %) të anketuar thanë se kishin në plan të udhëtonin në muajt e ardhshëm

Sipas një sondazhi të fundit, shumica e gjermanëve po planifikojnë të udhëtojnë këtë verë, pavarësisht nga pandemia.

Dy në tre persona (64 %) të anketuar thanë se kishin në plan të udhëtonin në muajt e ardhshëm.

Një e treta (31 %) thanë se do të shkonin diku në Gjermani, ndërsa 15 % dëshironin të shkonin jashtë vendit dhe 18 % thanë se kishin planifikuar pushime të brendshme dhe ndërkombëtare, transmeton Dpa, përcjell Albinfo.ch.

Rreth 33 % thanë se kishin planifikuar të qëndronin në shtëpi, në përgjigjet e një sondazhi të kryer nga instituti i hulumtimit të opinionit “Forsa” për RTL dhe ntv.

Ata që nuk po planifikonin të udhëtonin thanë se kjo ishte pjesërisht për shkak të pandemisë.

Hotelet dhe restorantet po rihapen në Gjermani, ku niveli i incidencës shtatëditore është nën 100 për 100 000 banorë në shumicën e qyteteve.

Sondazhi përfshiu 1 002 gjermanë, të moshës 18 vjeç e lart, midis 31 majit dhe 1 qershorit.

 

---