Kosova
Kosova kërkon unifikim të shkollave shqipe në diasporë
Nagavci premtoi se do të angazhohet që pas këtij takimi të vendoset bashkëpunim institucional, me synimin për ngritje të cilësisë për mësimin plotësues në gjuhën shqipe në mërgatë
Ministrja e Arsimit, Shkencës, Teknologjisë dhe Inovacionit në Kosovë, Arbërie Nagavci ka zhvilluar sot një takim virtual me Këshillin Koordinues të Arsimtarëve në Diasporë (KKAD), ku është diskutuar për hartimin e teksteve unike për shkollat shqipe në diasporë.
Nagavci premtoi se do të angazhohet që pas këtij takimi të vendoset bashkëpunim institucional, me synimin për ngritje të cilësisë për mësimin plotësues në gjuhën shqipe në mërgatë transmeton Albinfo.ch.
Ministrja Nagavci e njoftoi kryesinë e KKAD-së se, Kosova dhe Shqipëria tashmë kanë formuar një grup punues për hartimin e teksteve të gjuhës shqipe, duke e vlerësuar këtë një hap të rëndësishëm për hartimin e teksteve cilësore, të cilat i plotësojnë standardet e nevojshme për ngritje të cilësisë në mësimdhënie dhe mësimnxënie.
Ministrja Nagavci gjithashtu u shpreh e gatshme për të trajtuar kërkesat e mësimdhënësve në diasporë dhe për të ndihmuar ata që të bëjnë më të mirën për fëmijët në mërgatë.
Përfaqësuesi i KKAD-së, Vaxhid Sejdiu me këtë rast e ka informuar ministren rreth zhvillimeve të organizimit të shkollës shqipe në mërgatën shqiptare dhe gjendjen aktuale të shkollave shqipe, ndërsa theksoi se pas shume viteve veprim dhe aktivitet në mërgatë është e rëndësishme që të unifikohen shkollat shqipe, me qëllim të ruajtjes së gjuhës dhe kulturës shqiptare.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?