Kurti: Ushtria e Kosovës po kryen stërvitje me Ushtrinë amerikane

Kryeministri Albin Kurti, në një post në rrjetet sociale ka shkruar se ushtarët kosovarë për herë të parë po kryejnë stërvitjet të përbashkëta me Ushtrinë Amerikane në territorin e saj, transmeton albinfo.ch.

Kurti, përmes një postimi në Twitter, ka thënë se trupat e ushtrisë tonë po tregojnë përkushtim dhe profesionalizëm.

“Për herë të parë Kosova po kryen një stërvitje të udhëhequr nga Ushtria Amerikane në territorin e saj. Trupat tanë po tregojnë përkushtim dhe profesionalizëm në ushtrime të ndryshme si pjesë e Defender 21 në Kosovë, Kroaci dhe Shqipëri”, ka shkruar Kurti.

Edhe ministri i Mbrojtjes, Armend Mehaj, ka thënë se rruga jonë është drejt NATO-s. Ai ka thënë se Kosova dhe forcat e saj dëshmojnë fuqishëm partneritetin e ngushtë dhe të përhershëm me SHBA-në.