Kosova
Kroacia paralajmëron ndërtimin e kampit ushtarak në Kosovë, alarmohet Serbia
![](https://www.albinfo.at/wp-content/uploads/2021/05/screenshot_20210506-213738_facebook.jpg)
Ministri i jashtëm kroat, Gordan Grlic Radman ka njoftuar sot, gjatë vizitës në Kosovë se Kroacia do ta ndërtojë një kamp ushtarak në Kosovë, për të krijuar siguri edhe më të madhe në rajon si dhe theksoi mbështetjen e këtij shteti në dialogun Kosovë-Serbi.
Kjo, si duket nuk u ka pëlqyer mediave serbe, të cilat, paralajmërimin për ndërtimin e kampit ushtarak kroat në Kosovë e quajtën provokim të ashpër nga Zagrebi.
Gjatë një takimi që ministri i jashtëm kroat Gordan Grlic Radman e pati me homologen e tij në Kosovë, Donika Gërvalla, është bërë e ditur që Kroacia do të ndërtojë një bazë ushtarake në Kosovë.
Mirëpo, media serbe “Kurir” titullin e këtij lajmi e ka vendosur “Provokim i ashpër nga Zagrebi: Kroacia po ndërton një bazë ushtarake në Kosovë dhe Metohi”.
Ai, gjithashtu potencoi se Kroacia është kundër çdo ndryshimi të kufijve në Evropën Lindore.
“Ne kemi vendosur të krijojmë një kamp ushtarak në Kosovë që do të kontribuojë në stabilitetin. Kroacia së fundmi mori një vendim për të rritur kontigjentin e saj ushtarak brenda operacionit paqeruajtës të NATO-s në Kosovë dhe operacioni i KFOR-it është i një rëndësie të veçantë për Kroacinë, sepse është në fqinjësinë tonë të afërt, e cila mund të ketë implikime të veçanta për stabilitetin e të gjithë rajonit”, tha ai.
Gjithashtu, ministri i jashtëm kroat u deklarua edhe për dialogun Kosovë-Serbi, për të cilin tha se do të japin mbështetjen e tyre.
“Ne mbështesim dialogun dypalësh midis Kosovës dhe Serbisë dhe shpresojmë se do të gjendet një zgjidhje”, tha Gordan Grlić Radman në konferencën e përbashkët për shtyp me ministren e jashtme të Kosovës, Donika Gërvalla.
Ai shprehu shpresën se dialogu midis Beogradit dhe Prishtinës do të vazhdojë në qershor dhe përcolli pritjen që pavarësia e Kosovës do të njihej nga vendet që deri tani nuk e bënë këtë.
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë