Ferizaj: Gjen portofolin e qytetarit serb, e dorëzon në Polici

Një shembull i mirë ka ardhur nga një qytetar i Ferizajt, që ka gjetur një portofol, të cilën e ka dorëzuar në Polici

Të shtunën rreth orës 13:40, një qytetar i Ferizajt, në parkingun e një qendre tregtare në Ferizaj, ka gjetur një portofol me para dhe dokumente te humbura.

Rastin e ka bërë të ditur policia e Kosovës, shkruajnë mediat vendore, përcjell albinfo.ch.

Sipas tyre, portofoli i përkiste një qytetari të nacionalitetit serb nga Shtërpca.

Ai menjëherë ka njoftuar policinë dhe portofolin e gjetur e ka dorëzuar në stacionin policor të Ferizajt.

Pas procedurave të verifikimit të pronarit, në prani të policisë, pronarit i kthehen paratë (110 euro dhe 40 dinarë) dhe dokumentet tjera (letërnjoftimi i RKS-së , letërnjoftimi i SRB-së, patentë shoferi i SRB-së dhe dy kartela bankare).

Me këtë rast, Drejtoria Rajonale e Policisë në Ferizaj, ka falënderuar qytetarin për gjestin e tij human dhe shembullor me rastin e dorëzimit të portofolit të gjetur, në stacionin e policisë.

---