Lajme
I heqin kurorën e më të bukurës me dhunë, sepse ishte nënë e divorcuar (VIDEO)
Një ngjarje e pazakontë ka ndodhur në kompeticionin e bukurisë “Mrs Sri Lanka”, ka ndodhur një incident që ka shkaktuar bujë të madhe, transmeton albinfo.ch.
Vajza e quajtur Pushpika De Silva fitoi titullin “Mrs Sri Lanka” dhe fituesja e vitit të kaluar, Caroline Jurie, duhej ta kurorëzonte atë. Pasi i vendosi kurorën, Jurie u rikthye në skenë, mori mikrofonin dhe tha se nuk mund ta mbante titullin, sepse ishte e divorcuar.
Pastaj Jurie tërhoqi në një mënyrë aspak të kujdesshme kurorën nga koka e De Silva-s dhe ia vendosi shoqërueses së parë.
“Ekziston një rregull që ndalon gratë që janë martuar dhe janë divorcuar, kështu që unë po marr një hap tjetër dhe po e kaloj kurorën në vendin e dytë”, i tha Jurie publikut.
Pasi ia hoqi kurorën me forcë, ajo ia vendosi shoqërueses së dytë. Në një postim në Facebook, De Silva tha se ajo shkoi në spital për t’u trajtuar për dëmtime në kokë pas incidentit, transmeton tutje albinfo.ch.
“Ka shumë nëna beqare si unë sot që vuajnë në Sri Lanka. Kjo kurorë u kushtohet atyre grave, atyre nënave beqare që vuajnë për të rritur fëmijët e tyre vetëm”, tha ajo në një konferencë për shtyp.
“Ne jemi të zhgënjyer. Ishte e turpshme se si Caroline Jurie u soll në skenë dhe organizata ‘Mrs World’ tashmë ka filluar një hetim mbi këtë çështje”, tha organizatorja kryesore e konkursit, Chandimal Jayasinghe.
BBC raportoi se policia në Sri Lanka arrestoi Caroline Jurie dhe modelen Chula Padmendra si pasojë e incidentit, me akuzat e lëndimit të thjeshtë dhe kauzës kriminale. /Albinfi.ch
Të ngjashme
Të tjera nga Lajme
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë