Dhjetëra kompani të reja u hapën në Cyrih

Cyrihu - Zvicer - Ricardo Gomez Angel

Organizata e quajtur Zona e Madhe e Cyrihut (GZA) njoftoi se 86 ndërmarrje krijuan operacionet e tyre në rajonin e Cyrihut vitin e kaluar. Kjo është një rënie prej 21 për qind krahasuar me vitin 2019, por gjithsesi një numër i kënaqshëm, duke pasur parasysh ndikimin ekonomik të pandemisë, transmeton albinfo.ch.

Këto biznese krijuan 510 vende pune në zonë dhe po planifikojnë të ofrojnë gati 1,600 më shumë gjatë pesë vjetëve të ardhshme, sipas gazetës Tages Anzeiger.

Shumica e ndërmarrjeve të reja punojnë në sektorin e teknologjisë së informacionit dhe komunikimit, shkencat e jetës, industrinë e makinerive dhe shërbimet financiare. Shumica janë nga Shtetet e Bashkuara, Gjermania dhe Kina.