Lajme
Biden: Deri më 19 prill do të vaksinohet 90% e popullsisë së rritur në SHBA
Presidenti i Shteteve të Bashkuara të Amerikës, Joe Biden, deklaroi se deri më 19 prill shumica dërmuese e popullatës së rritur do të vaksinohet.
“Me gjithë punën që kemi bërë në dhjetë javët e fundit, unë jam i kënaqur të njoftoj se të paktën 90 për qind e të gjithë të rriturve do të jenë në gjendje të marrin vaksinën deri më 19 prill, vetëm tri javë nga sot”, u tha Biden gazetarëve, duke shtuar se dhjetë përqindëshi tjetër i kësaj më së voni deri më 1 maj.
Ai tha se urdhëroi ekipin e tij për luftën kundër koronavirusit për të siguruar që ka një pikë vaksinimi jo më larg se tetë kilometra (pesë milje) nga çdo qytetar i rritur.
Presidenti i SHBA-së përsëriti qëllimin e administrimit të 200 milionë dozave të vaksinës deri në fund të 100 ditëve të para të marrjes së detyrës.
Sipas tij, 100 milionët e parë u arritën në ditën e 60-të të detyrës, ndërsa qëllimi tjetër do të arrihet për 40 ditë.
“Puna jonë nuk ka mbaruar kurrë. Lufta kundër koronavirusit është larg fitores”, tha Biden.
Deri më tani, më shumë se 145.8 milionë njerëz kanë marrë një dozë të vaksinës, përfshirë përpjekjet e administratës së mëparshme të SHBA-së.
Shtetet e Bashkuara janë prekur më së shumti në botë nga pandemia, me pothuajse 30.3 milionë raste të infeksionit dhe rreth 550.000 vdekje, sipas të dhënave nga Universiteti “Johns Hopkins”.
E-Diaspora
-
Puna në ajër të jep ndjenjën e paqes “Nuk ka asgjë më mirë se të mund të punoj në ajër. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?