Kush janë kandidatët për deputetë në Kosovë që po kërkojnë rinumërim të votave

Disa kandidatë për deputetë po kërkojnë rinumërim të votave.

Sipas Jetlir Zyberajt nga AKR, dokumentet e paraqitura për keqpërdorim të vullnetit të qytetarëve nuk janë marrë paraqysh nga PZAP. Zyberaj, që ishte kandidat për deputet në Listën e LDK-së, thotë se ka edhe dëshmi që votat e tij dhe anëtarëve të tjerë janë vjedhur e manipuluar.

Megjithatë, PZAP duket se asnjë nga këto dëshmi nuk i mori parasysh. Ato u konsideruan si të pabaza.

Po ashtu të papranueshme u cilësuan edhe ankesat e kandidates së LDK-së për deputete, Lirie Kajtazi. E njëjta, të hënën i është drejtuar Gjykatës Supreme, raportojnë mediat vendore, përcjell Albinfo.ch.

PZAP e ka cilësuar të pranueshme ankesën e kandidates për deputete nga radhët e Aleancës për Ardhmërinë e Kosovës, Florentina Gjergjaj. Gjergjaj ka kërkuar rinumërim të votave me kusht dhe atyre nga diaspora.

PZAP e ka pranuar ankesën dhe ka urdhëruar të rinumërohen votat vetëm për kandidatët e AAK-së. Megjithatë, ankesat e Meliza Haradinajt nuk u pranuan nga PZAP. Kërkesa e saj për rinumërim të disa votave në komunën e Dragashit u refuzua.

Por, një ankesë tjetër u konsiderua si e bazuar. Bëhet fjalë për kandidaten tjetër, Albena Reshitaj, nga AAK. Kjo e fundit ka kërkuar rinumërim të votave të saj në vendvotimin 2404A/01R në Suharekë.

E ankesa për vjedhje votash ka pasur edhe nga kandidatët e Lëvizjes Vetëvendosje, që doli si partia fituese. Arbëreshë Kryeziu Hyseni pretendoi se votat e saj në total i janë përshkruar kandidatit tjetër të VV-së, Arbër Rexhaj.

Ankesa për parregullsi patën edhe kandidati për deputet Petrit Hajdari nga PDK si dhe Faton Bislimi nga LDK.