Kosova
Diaspora në Zgjedhjet 2021, dukshëm më shumë votues se më parë
Intersimi i diasporës për të votuar në zgjedhjet e 14 shkurtit të këtij viti, ka rezultuar të jetë më i lartë se në zgjedhjet e viteve të kaluara. Kështu ka bërë të ditur zëdhëndësi i KQZ-së, Valmir Elezi, përmes një postimi në Facebook, përcjell Albinfo.ch.
Numri i votuesve të regjistruar/aprovuar për të votuar përmes postës, në Zgjedhjet 2021, ka qenë 102,100, numër ky shumë i lartë në krahasim me Zgjedhjet e vitit 2019, ku numëri i votuesve përmes postës ka qenë 35,087, ndërsa në Zgjedhjet 2017, ky numër ishte vetëm 15,118.
Në zgjedhjet e 14 shkurtit, numri i zarfeve me fletëvotime të aprovuara është 56,610, ndërsa në anën tjetër numri i zarfeve me fletëvotime të refuzuara është 22,591, numër ky më i larti i fletëvotimeve të refuzuara krahasuar me zgjedhjet e viteve të fundit.
Sipas KQZ-së, numri i lartë i fletëvotimeve të refuzuara, është rezultat i arsyeve të ndryshme. 9 mijë e 199 zarfe, janë refuzuar për arsye se pakot janë dërguar nga persona që nuk janë të regjistruar si votues jashtë Kosovës. Ndërsa, 6 mijë e 665 pako, janë refuzuar sepse ato janë dërguar nga persona të cilët janë refuzuar për t’u regjistruar si votues gjatë periudhës së aplikimit për shkak të mosplotësimit të kritereve ligjore.
Komisioni Qendror i Zgjedhjeve, ka përfunduar verifikimin e fletëvotimeve nga diaspora për zgjedhjet parlamentare 2021, ku nga 43 mijë e 477 pako të dërguara ka aprovuar 56 mijë e 610, kurse ka refuzuar 22 mijë e 591. Ndërsa ka njoftuar se rezultatet përfundimtare të zgjedhjeve do të shpallen gjatë kësaj jave.
Të ngjashme
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri