Procesohen rreth 90% të pakove me fletëvotime nga diaspora

(AP Photo/Visar Kryeziu)

Qendra e numërimit të rezultateve QNR ka arritur të procesojë rreth 90% të pakove me fletëvotime të supozuara nga jashtë, ka thënë Eugen Cakolli nga KDI.

Nëpërmjet një postimi në llogarinë e tij në Facebook, ai tha se me një trend të tillë të shqyrtimit të zarfave, ky proces do të duhej të përmbyllej gjatë fundjavës.

“QNR ka arritur të procesojë gati rreth 90% të pakove me fletëvotime të supozuara nga jashtë vendit. Me një trend të tillë të shqyrtimit të rreth 5 mijë zarfave, procesi do të duhej të përmbyllej gjatë kësaj fundjave”, ka shkruar Cakolli, përcjell Albinfo.ch.

Ndryshe, ai tha se numri i votave nga diaspora është më i madhi që nga viti 2010 e tutje.

“Si numër, pakot dhe eventualisht votat nga jashtë vendit do të jenë më të mëdha se të gjitha zgjedhjet e tjera nga viti 2010 e tutje, të marra së bashku”.

Ky është postimi i plotë:

https://www.facebook.com/eucakolli/posts/10208048512607627