Lajme
Kompanitë ajrore në krizë, përmirësimi vetëm nga viti 2023
Kur flitet për sektorë ekonomikë të goditur nga pandemia, pa dyshim turizmi radhitet si një nga ato më në krizë. Por një tjetër industri, e lidhur me turizmin, nga më të fuqishmet globalisht para se të mësonim termin koronavirus, duket se jo vetëm ka pësuar humbje dramatike, por ndoshta nuk do të kthehet kurrë në ritmet e mëparshme.
Bëhet fjalë për industrinë ajrore, e cila për muaj të tërë u bllokua pothuajse totalisht, dhe sot është aktive për një përqindje shumë të vogël të fluksit me të cilin ishte mësuar, raporton A2, përcjell Albinfo.ch.
Mjafton të shohësh sa të zbrazur janë aeroportet kryesore në Europë dhe jo vetëm, për ta kuptuar. Por një studim i ditëve të fundit vë në dyshim vijueshmërinë e sektorit ashtu siç është strukturuar sot, edhe në vitet në vijim.
Sipas raportit të shoqërisë së konsulencës Bcg, industria ajrore mund të rimarrë ritëm vetëm në fund të vitit 2023. Ky është skenari më pozitiv, ai për të cilin brenda verës së vitit 2021 vaksinat të jenë të kudogjendura, pjesë e mirë e popullsisë europiane do të jetë e vaksinuar dhe çdo pasagjer do të këtë mundësi të kryejë një tampon të shpejtë para udhëtimit.
Por, nëse skenari ndryshon, data mund të spostohet, të paktën deri në vitin 2025. Por, një qasja e para Covid, sipas raportit, do të duhet të ndryshohet përgjithmonë.
Raporti flet për një rënie e të paktën 8% të udhëtimeve për biznes, edhe kur përditshmëria jonë t’i jetë rikthyer normalitetit. Përshpejtimi i teknologjisë si përgjigje ndaj karantinës globale solli një dimension të ri për smart working, dhe tashmë të gjitha kompanitë kanë zhvilluar infrastrukturën dhe njohuritë e tyre digjitale. Veçanërisht i goditur do të jetë sektori i fluturimeve ndërkontinentale, ato në business class, ndërkohë që udhëtimet turistike do ta marrin veten, edhe ato me specifikat e tyre.
Sipas anketimit të kryer nga raporti, pjesa më e madhe e familjeve do të preferojnë udhëtime të shkurtra, jo më shumë se 2 orë fluturim. Raporti këshillon kompanitë ajrore të tregojnë kurajë, dhe të fillojnë nga tani ndryshimin e strategjive të tyre, në destinacione por edhe në çmimet e ofruara, pa lënë mënjanë standardet e sigurisë, veçanërisht asaj shëndetësore.
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?