Florian Marku triumfon sërish, këtë herë ndaj britanikut

Boksieri shqiptar, Florian Marku, ka arritur të triumfojë sërish. Këtë herë në ring u përballë më anglezin Rylan Charlton, transmeton albinfo.ch.

Ndeshja ishte e fortë dhe zgjati 8 raunde, por në fund shqiptari arriti të rrëmbente një fitore shumë të vlefshme.

Pas fitores, Florian Marku ka shpërndarë një postim në rrjetin e tij social, Instagram, ku ka falënderuar të gjithë njerëzit për mbështetjen që i kanë dhënë gjatë kohës së fundit.

Marku triumfoi dje ndaj boksierit Rylan Charlton në raundin e tetë, pasi ekipi i kundërshtarit hodhi peshqirin në shenjë dorëzimi. 28-vjeçari u shpreh mirënjohës ndaj kundërshtarit, ku e uroi atë për suksese në të ardhmen.