Trump shpëton nga akuzat për ‘kryengritje’

Keystone EPA/Oliver Contreras / POOL

Senati amerikan ka dështuar të sigurojë votat e mjaftueshme për të fajësuar ish-presidentin Donald Trump për nxitje të kryengritjes.

Vota finale ishte 57:43, duke nënkuptuar që Senatit i munguan dhjetë vota për ta fajësuar ish-presidentin, në procesin e dytë të “impiçmentit”. Demokratët, që votuan një muaj më parë për ta akuzuar Trumpin me “nxitje të kryengritjes”, kishin nevojë për dy të tretat e votave në Senat, apo 67 vota për të nisur procesin ndaj tij. Shtatë republikanë iu bashkua demokratëve në votimin për fajësimin e Trumpit, por s’ishte e mjaftueshme që ai të dilte fajtor.

Menjëherë pas këtij votimi, Donald Trump ka lëshuar një komunikatë për media duke festuar vendimin.

“Lëvizja jonë historike, patriotike dhe e bukur për ta bërë Amerikën të mrekullueshme sërish, vetëm ka nisur. Në muajt përpara kam shumë për të ndarë me ju dhe mezi pres të vazhdojmë udhëtimin tonë të mrekullueshëm bashkë, për të arritur madhështinë amerikane për njerëzit tanë”, ka shkruar ai, pasi iu hap rruga për të garuar për Shtëpinë e Bardhë më 2024.

Më 6 janar ishin organizuar protesta të dhunshme në ndërtesën e Kongresit pasi Trumpi kishte ftuar përkrahësit e tij për të protestuar kundër fitores së Joe Bidenit në zgjedhjet e 3 nëntorit.