Sa mjekë e kanë braktisur Shqipërinë në 10 vjetët e fundit

Themeluesja dhe kryetarja e Shoqatës së Mjekëve Shqiptarë në Gjermani, mjekja Marsela Ceno, tha se sipas të dhënave jozyrtare, janë të paktën 1500 mjekë  nga Shqipëria që punojnë në Gjermani. Gjatë një lidhjeje në emisionin “Opinion”, ajo u shpreh se këta mjekë janë shpërngulur atje në 10 vjetët e fundit, përcjell albinfo.ch.

Po ashtu, Ceno u shpreh se shqiptarët nuk janë të parët nga mjekët e huaj atje, ndërsa pohoi se në Gjermani dominojnë mjekët nga Rumania dhe Serbia, e së fundi po kthehet në trend edhe ardhja e mjekëve nga vendet e Lindjes së Mesme.

“Të parët në Gjermani janë mjekët e Rumanisë dhe Serbisë, por tashmë po shtohet edhe numri i atyre që vijnë nga Lindja e Mesme”, tha Ceno.