“Diaspora në zgjedhjet e tjera do të votojë në konsullatat më të afërta në vendet ku jeton”

"Një nga ligjet e para që do të kërkoj dhe do ta votoj do të jetë ligji për votimin e mërgatës pranë përfaqësive të Kosovës në vendet ku jetojnë e punojnë”

Sipas Mimoza Kusari- Lilës, diaspora do ta kthejë rezultatin zgjedhor dhe ka deklaruar se në zgjedhjet e ardhshme do të krijohet ligji për votimin e diasporës në konsullatat më të afërta, në vendet ku jetojnë mërgimtarët, shkruan albinfo.ch.

“Betohem se si deputete e ardhshme e Kuvendit të Republikës së Kosovës, një nga ligjet e para që do të kërkoj dhe do ta votoj do të jetë ligji për votimin e mërgatës pranë përfaqësive të Kosovës në vendet ku jetojnë e punojnë”, ka thënë Kusari-Lila.

Plot 29.445 aplikime të mërgimtarëve u refuzuan këtë herë. Një ditë u shty publikimi i fletëvotimit, por jo dhe afati i pranimit. Nga 151.000 e-maile, vetëm 102.100 aplikime u pranuan në listën e votimit nga jashtë këtë herë.

“Kjo do të jetë e hera e fundit kur më të dashurve tanë, të afërmve që jetojnë e punojnë jashtë vendit u mohohet e drejta e votës.  Të dashur bashkatdhetarë, ju falënderoj me zemër!  Ju i prini ndryshimit në Kosovë!”, ka shkruar ajo. /Albinfo.ch

---