Mbështetësit e Trumpit rrëzojnë barrikadat para Kapitolit në Uashington

Fotografitë nga disa kanale televizive tregojnë qindra mbështetës të presidentit amerikan duke marshuar drejt selisë së parlamentit pas një fjalimi të Trumpit

Mbështetës të shumtë të Trumpit janë mbledhur përpara Kapitolit në Uashington DC për të demonstruar kundër certifikimit të rezultateve të zgjedhjeve dhe rrjedhimisht, kundër konfirmimit të Joe Bidenit si President i SHBA.

Gjatë kësaj kanë ndodhur edhe përplasje me policinë.

Para se rezultatet e zgjedhjeve presidenciale amerikane të konfirmohen në Kongresin Amerikan, kishte përplasje midis mbështetësve të Presidentit të zgjedhur Donald Trump dhe zyrtarëve të sigurisë përpara Kapitolit në Uashington.

Fotografitë nga disa kanale televizive tregojnë qindra mbështetës të presidentit amerikan duke marshuar drejt selisë së parlamentit pas një fjalimi të Trumpit, transmeton albinfo.ch. Disa prej tyre u përfshinë në përledhje me shërbimet e urgjencës. Sipas Washington Post, të paktën dy ndërtesa që i përkasin kompleksit parlamentar pranë janë evakuuar.

Në fjalimin e tij mbi atë që ai e quan mashtrim në zgjedhjet presidenciale të SHBA, Trump u kishte bërë thirrje mbështetësve të tij që të lëviznin në Kapitol, ku janë të vendosur Senati dhe Dhoma e Përfaqësuesve.

---