OBSH pret më shumë detaje mbi llojin e ri të koronavirusit në ditët e ardhshme

Organizata Botërore e Shëndetësisë tha të hënën se pret të marrë më shumë detaje së shpejti mbi ndikimin e mundshëm të një lloji të ri të koronavirusit, pasi një numër vendesh mbyllën kufijtë e tyre ndaj Britanisë për shkak të frikës për përhapjen e tij.

Nuk ka asnjë provë që varianti i virusit rrit ashpërsinë e sëmundjes, megjithëse është më e transmetueshme, thanë zyrtarët, duke cituar analizat e Britanisë e Madhe.

Maria Van Kerkhove, udhëheqëse teknike e OBSH-së për COVID-19, tha se shkencëtarët po shikojnë përgjigjen e antitrupave të trupit ndaj virusit dhe po priten rezultate në ditët dhe javët e ardhshme, shkruan “Reuters”, përcjell albinfo.ch.