Kosova

10 efektet e Ligjit për rimëkëmbje ekonomike në Kosovë

E premte, 4 Dhjetor 2020 - 16:40 albinfo.ch

Foto: Arben Llapashtica

Zv. kryeministri i Kosovës, Besnik Tahiri, ka treguar 10 efektet që, sipas tij, do të ketë ky ligj.

Sipas tij, i njëjti do të ulë presionin mbi ekonominë, bizneset e familjet.

Pastaj për një periudhë, sipas tij, do të rrisë fuqinë blerëse, konsumin dhe shërbimet.

Postimi i plotë:

10 efektet e Ligjit për rimëkëmbje ekonomike!

Mandati i pozitës dhe opozitës në demokraci është para së gjithash mbrojtja dhe përfaqësimi i qytetarëve. Secili përfaqësues, secili institucion, secili subjekt, secili që ka mandat të flasë apo përfaqësojë sovranin, në momente të caktuara, kritike, duhet të ketë fuqinë të ngritet mbi pozicionet, interesat, apo pikëpamjet parciale.

Është inkurajuese dhe për tu përshëndetur, që ndodhi një reflektim pozitiv, edhe pse i vonuar në lidhje votimin e Ligjit për Rimkëmbje. Është premtues fakti që shumica e nevojshme, gjykoi drejtë, që me mos kalimin e Ligjit, ishin qytetari dhe shteti të cilëve po u bëhej padrejtësi.

Më poshtë po ndaj me ju dhjetë (10) efektet e Ligjit për Rimëkëmbje Ekonomike, i cili do të ketë një impakt rifreskues për zhvillimin, ekonominë dhe mirëqenien.

Mes tjerash, Ligji për rimëkëmbje:

Do të ulë presionin mbi ekonominë, bizneset dhe familjet;

Për një periudhë të kufizuar, do të rrisë fuqinë blerëse, konsumin dhe shërbimet;

Do të ekuilibrojë sadopak zhvillimet në tregun vendor financiar;

Do të rifreskojë potencialin e bizneseve të vogla, tashmë të rrezikuara, për të operuar më gjatë dhe më qëndrueshëm në treg;

Do të zbusë efektet negative të pandemisë, veçmas te ato familje me të ardhura më të ulëta;

Do të ndikojë pozitivisht te të gjithë, në fuqinë e shtetit si faktor stabilizues ekonomik;

Do të shërbejë si instrument i ‘tërthortë’ i asistencës sociale, për shtresat në vështirësi;

Përçon mesazh të fortë te komuniteti ndërkombëtar për klimën e përgjithshme ekonomike në Kosovë;

Ofron mundësi të re, që në dritë të këtij ligji, të planifkohen hapat tjerët të shpenzimeve në planet vjetore dhe afatmesme financiare;

Rehabiliton besimin e dëmtuar te qytetarët kundrejt kapacitetit vendimmarrës institucional, rezultat i vonesave vendimmarrëse.

Lidershipi dhe përkushtimi kërkohet në kohëra sfidash, andaj duhet falënderuar secilin për guximin për të lëvizur përpara.

Nuk duhet humbur kohë.

Të fokusohemi në implementim efikas dhe të përpiktë!

Të ngjashme

Si rekrutohet stafi infermieror nga Kosova, në Bavari

Të tjera nga Kosova

Prattipati dhe Kurti lansojnë pullën postare në shënim të 250-vjetorit të Amerikës

E-Diaspora

Jeta në Austri

Reklamë

Albinfo.TV

Paradoksi i kohës sonë: Arritjet e grave rriten, por edhe dhuna në familje