Kristian Keçi, futbollist shqiptar, zgjidhet më i miri në Maltë

Ai ka marrë edhe një vlerësim si golashënuesi më i mirë duke bërë që ekipi i tij të shpallej kampionë pas 27 vitesh

Futbollisti shqiptar, Kristian Keçi, ka lindur në Torino të Italisë dhe prej dy vjetësh ka vendosur të jetojë në Maltë për të vazhduar karrierën sportive, transmeton albinfo.ch.

Ai rrëfen për jetën dhe historinë e tij të suksesit në sport, aktualisht sportisti luan me “Floriana F.C”, ekipi kryesor i Maltës dhe falë talentit dhe aftësisë, Kristiani është zgjedhur si futbollisti më i mirë i Maltës.

Ndërkohë ai mori edhe një vlerësim si golashënuesi më i mirë, duke bërë që ekipi i tij të shpallej kampion pas 27 vjetësh.

Sa i përket Maltës, Kristiani rekomandon të shkohet në plazhet e këtij vendi, pasi që njerëzit atje janë pozitivë dhe pjesa më e madhe flasin anglisht, meqë Malta është një ish-koloni angleze. /Albinfo.ch

---