Zemaj: Po detyrohemi të ashpërsojmë masat

Facebook

Rritja rekorde e rasteve të infektimeve me Covid-19 do të detyrojë autoritetet kosovare të ashpërsojnë masat parandaluese.

Ministri i Shëndetësisë në Kosovë, Armend Zemaj, ka paralajmëruar ashpërsimin e masave, duke mos dhënë detaje nëse do të shkohet në ndonjë mbyllje eventuale të vendit, raporton Albinfo.ch.

“Duke u bazuar në rritjen e rasteve pozitive në dy javët e fundit, do të jemi të detyruar që edhe më tej t’i ashpërsojmë masat. Është vlerësim i përbashkët që para së gjithash, për siguri, duhet ta ruajmë shëndetin publik, andaj edhe duhet të veprojmë për të parandaluar përkeqësimin e gjendjes”, ka shkruar Zemaj.

Vetëm në 24 orët e fundit në Kosovë janë konfirmuar 546 raste me Covid-19.