Maqedonia
Gjermania mbështet Maqedoninë, Bullgaria mund ta bllokojë

Janë duke u bërë përpjekjet e fundit për të bindur Bullgarinë të mos e bllokojë procesin e intergrimit evropian për Maqedoninë e Veriut.
Së fundmi, Gjermania ka nisur mbrëmë përpjekjen e fundit për të bindur Sofjen që të mos bllokojë më 10 nëntor vendimin për mbajtjen në dhjetor të konferencës se parë ndërqeveritare të BE-së me Maqedoninë e Veriut, përcjell albinfo.ch.
Duhet theksuar se me ftesë urgjente të ministrit të Jashtëm, Heiko Maas dhe atij për çështje evropiane, Michael Roth, drejt Berlinit u nisën ministrja e Jashtme bullgare, Ekaterina Zaharieva dhe nga Shkupi ministrat Bujar Osmani dhe Niloka Dimitrov. Sipas burimeve diplomatike, Gjermania këmbëngul që Bullgaria dhe Maqedonia Veriore të zgjidhin mosmarrëveshjet e tilla në mënyrë bilaterale dhe të mos i përfshijnë ato në kornizën e negociatave.
Një bisedë telefonike u zhvillua në mëngjes mes presidentëve gjermanë dhe maqedonas Frank-Walter Steinmeier dhe Stevo Pendarovski.
Kërkohet një kompromis në dy pika kryesore: gjuha maqedonase, të cilën Bullgaria nuk e njeh dhe këmbëngul të emërohet si “gjuha zyrtare sipas Kushtetutës të Maqedonisë së Veriut” në dokumentet e BE-së. Sofja dëshiron që maqedonasit të pranojnë se ata ishin në fakt bullgarë dhe flisnin bullgarisht para se të bëheshin një komb i pavarur përmes një procesi sipas tyre të falsifikimit te historisë.
Gjermania ka sjellë shembullin e saj dhe Francës pas Luftës së Dytë Botërore, por edhe përvojën e vendeve të tjera fqinje evropiane.
Në këtë situate të tensionuar mes dy vendeve, studiuesit bullgarë dhe maqedonas u dërguan një letër të hapur kryeministrave dhe ministrave të Jashtëm të Bullgarisë dhe Maqedonisë Veriore, duke kërkuar që mosmarrëveshjet të zgjidhen pa presione. Sipas tyre, puna e komisionit të përbashkët historik deri më tani tregon se arritja e një marrëveshjeje është e mundur edhe për çështjet më të vështira, por ky është një proces i gjatë dhe nuk duhet të caktohen afate të shkurtra jorealiste.
Shtete të tjera të BE-së shprehën habi pse Bullgaria nuk u konsultua për këto çështje me grekët, francezët ose holandezët, të cilët një vit më parë bllokuan fillimin e negociatave për Maqedoninë e Veriut dhe Shqipërinë dhe kur po zgjidhej mosmarrëveshja për emrin midis Maqedonisë dhe Greqisë.
Në Bruksel nuk duan që ta rëndojnë procesin e pranimit të vendeve të Ballkanit Perëndimor në BE me çështje identiteti kombëtar, pasi tashmë ka mjaft probleme në Ballkan, nga institucionet e dobëta shtetërore deri te korrupsioni i përhapur dhe mungesa e shtetit ligjor.
E-Diaspora
-
Numërohen rreth 62% e zarfeve të diasporës, kryeson PS me 65 mijë vota Partia Socialiste vazhdon të kryesojë me një diferencë të thellë edhe me votat e diasporës. Sipas...
-
Një shqiptar zgjidhet nënkryetar i komunës Wylie, në Texas të SHBA-së
-
Dy nxënës nga Kosova fitojnë nga 5 medalje në Paris
-
Në pushime me fëmijën, në kohë shkolle: Kjo mund t`i kushtojë 1000 euro kosovares
-
TECH FORUM 2025, Cyrih: Kosova dhe shqiptarët, një “superfuqi” e TI-së
Jeta në Austri
-
Tradita e pushimeve: Ku do të shkojnë austriakët në verën e 2025? Pavarësisht rritjes së kostove, pushimet mbeten një prioritet për austriakët në verën e 2025, edhe pse...
-
Austri: Buxheti i ri sjell rritje të ndjeshme tarifash për qytetarët
-
Pesë mënyra se si mund të kurseni para kur blini ushqim në Austri
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri