Grenell i fton shqiptarët e Amerikës ta përkrahin Trumpin në zgjedhje

FILE PHOTO: U.S. Ambassador to Germany Richard Grenell arrives for a ceremony in Berlin, Germany, November 9, 2018. REUTERS/Fabrizio Bensch/File Photo

Së fundi, Richard Grenell, i dërguari special i presidentit amerikan, Donald Trump, për dialogun Kosovë-Serbi, u është drejtuar shqiptaro-amerikanëve përmes një video mesazhi, duke i inkurajuar që ta pranojnë atë se Donald Trump ka punuar shumë për paqen në Ballkan dhe normalizimin ekonomik Kosovë-Serbi.

Grenell në këtë mesazh thotë se shpreson se shqiptarët do të bëjnë çmos për ta rizgjedhur Donald Trumpin president të SHBA-së.

Mesazhi i plotë:

Po i shfrytëzoj pak minuta që t’i porosis miqtë e mi shqiptaro-amerikanë dhe t’i inkurajoj që ta pranojnë atë se Donald Trump ka punuar shume për paqen ne Ballkan dhe normalizimin ekonomik.

Ai e ka pasur vëmendjen për rajonin. E dimë se Barak Obama dhe Joe Biden nuk ia kanë kushtuar këtë vëmendje. Shpresojmë se miqtë tanë shqiptarë do të bëjnë çmos për ta rizgjedhur Donald Trumpin. Ai ka punuar shumë për votën tuaj.