Lajme
Ja çfarë ka vendosur Qeveria Zvicerane në mbledhjen e saj emergjente
Vendimet i kanë bërë të njohura për publikun presidentja Federale Simonetta Sommaruga dhe ministri i shëndetësisë Alain Berset
Në mbledhjen e jashtëzakonshme të Qeverisë së Zvicrës, të paralajmëruar për sot, janë marrë një sërë vendimesh të rëndësishme në kuadrin e luftës kundër koronavirusit.
Vendimet i kanë bërë të njohura për publikun presidentja Federale Simonetta Sommaruga dhe ministri i shëndetësisë Alain Berset në një konferencë për media e cila po vazhdon në momentin kur po raportojmë, shkruan albinfo.ch.
Në vazhdim, të përmbledhura shkurtimisht vendimet që janë marrë sot nga ekzekutivi i Zvicrës:
- Nga e hëna, 19 tetor, ndalohen tubimet spontane të më shumë se 15 personave në hapësirat publike.
- Maska duhet të mbahet në ambientet e brendshme që janë të arritshme për publikun. Kjo vlen, për shembull, për dyqanet, bankat, zyrat postare, muzetë, bibliotekat dhe kinematë.
- Detyrimi për maskë duhet të zbatohet gjithashtu në të gjithë stacionet e trenave, aeroportet dhe në stacionet e autobusëve dhe të tramvajit, transmeton albinfo.ch. Deri më tani, ky detyrim ka qenë në fuqi vetëm për brendinë e trenave, autobusëve e tramvajëve dhe jo për hapësirat e stacioneve përkatëse
- Po ashtu duke filluar nga 19 tetori hyjnë në fuqi rregulla të reja për aktivitetet ose ndejat private me më shumë se 15 persona: Në to mund të konsumohet vetëm gjatë qëndrimit ulur, rreth tavolinës; Ata që nuk ulen, duhet të vendosin maskën; Duhet të vazhdojë mbledhja e të dhënave të kontaktit.
- Në restorante, bare dhe klube po ashtu mund të konsumoni vetëm ndërsa jeni ulur.
- Këshilli Federal tani rekomandon që të punohet nga shtëpia (Home Office) nëse është e mundur.
- Edhe më tutje nuk ka detyrim të vendosjes së maskës në vendet e punës. Kjo për shkak se punëdhënësit kanë nën kontroll konceptet e tyre të mbrojtjes, ka thënë Berset, i pyetur nga një gazetar në konferencën për media, përcjell albinfo.ch. “Vetë kompanitë dinë si të mbrojnë punonjësit e tyre. Dhe ata gjithashtu kanë interes për të pasur punonjës të shëndetshëm. Përveç kësaj, Këshilli Federal nuk dëshiron të rregullojë gjithçka nga fillimi.
- Po ashtu nuk është vendosur detyrimi i maskës në shkolla. Kjo çështje është në kompetencë të kantoneve, ka thënë Berset.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?