Lajme
Austri: Nëna mbyt tre fëmijët e saj
Një ngjarje e tmerrshme ka tronditur Vjenën mëngjesin e sotëm, ku 3 fëmijë janë gjetur të pajetë.
Policia austriake arrestoi një grua 31-vjeçare pasi trupat e tre fëmijëve u gjetën në banesën e saj në Vjenë.
Sipas medieve austriake, gruaja telefonoi policinë rreth orës 5:20 të mëngjesit të sotëm dhe tha se kishte vrarë fëmijët e saj dhe se donte të bënte vetëvrasje.
Siç bëhet e ditur më tej, policia gjeti një grua që plagosi veten në një banesë në qarkun Donaustadt të Vjenës dhe trupat e fëmijëve të moshës nëntë dhe tre vjeç, si dhe një tjetër tetë muajsh që u gjetën në vendin e ngjarjes.
Mjekët u përpoqën të ringjallnin vajzën më të rritur, por pa sukses.
Hetimi është duke vazhduar, dhe policia po përpiqet të përcaktojë nëse gruaja është në gjendje të merret në pyetje.
Lajmet e fundit bëjnë të ditur se 31 vjeçarja e dyshuar për këtë makabër, është nga Butwal i Nepalit, shkruan heute.at.
Së bashku me burrin e saj, i cili po ashtu është një nepalez, jetojnë në Austri që 17 vjet. Çifti kishin tre fëmijë: dy vajza dhe një djalë, përcjell Albinfo Austria.
Por siç bëjnë të ditur mediat austriake, babai i vajzave kohëve të fundit jetonte i ndarë nga familja. Siç raportohet, çifti thuhet se janë ndarë ditë më parë, pasi që mes tyre kishte shpërthyer një debat i dhunëshëm me sulme të ndërsjellta dhe 44 vjeçari ishte detyruar nga shteti austriak të dëbohet nga shtëpia dhe mos të kishte afërsi me banesën ku jetonte familja e tij.
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri