Lajme
Xhemile Fetaji dorëzon në Thurgau fidanin e mollës të dhuruar më 1 gusht
Në manifestimin e 1 Gushtit në Rütli, secilit kanton i qe dhënë nga një fidan molle. Dhe, ky fidan simbolikisht u dorëzua dje
Më 1 gusht të këtij viti, për nder të festës kombëtare të Zvicrës, Presidentja Federale Simonetta Sommaruga pati ftuar dy njerëz nga secili kanton në Rütli, në vendin tradicional të festimit të kësaj date të madhe.
Ishin përzgjedhur për këtë rast ata njerëz që kishin treguar angazhim në të mirë të shoqërisë ku jetonin, gjatë krizës së koronavirusit. Për këtë eveniment pati shkruar edhe albinfo.ch.
Xhemile Fetaji-Uka dhe Jürg Kuhn ishin të përzgjedhurit nga kantoni Thurgau. Në manifestimin në fjalë, secilit kanton i qe dhënë nga një fidan molle. Dhe, ky fidan simbolikisht u dorëzua dje.
Kantoni Thurgau ka marrë dorëzimin e kësaj peme si një mundësi për të nderuar dhe falënderuar punën e vullnetarëve të shumtë, thuhet në një komunikatë të lëshuar nga autoritetet e kantonit.
“Në përgjigje të apelit të stafit menaxherial të kantonit (KFS) se duhen vullnetarë për të forcuar sistemin shëndetësor, në Thurgau ishin regjistruar 3,257 njerëz”, transmeton më tutje albinfo.ch.
Këshilltarja qeveritare (ministre kantonale) Cornelia Komposch, e cila në funksionin e saj mbulon gjithashtu drejtimin e KFS-së, falënderoi të gjithë ata që kanë bërë gjithçka për të ndihmuar shoqërinë: “Kriza e koronavirusit ka ndryshuar jetën tonë, përcjell albinfo.ch. Por gjithashtu ka treguar që shoqëria është afruar më shumë mes vete”, ka thënë veç tjerash ajo.
Xhemile Fetaji është një punonjëse në sferën e integrimit, migracionit dhe të të drejtave të gruas, në kantonin Thurgau. Veç tjerash, ajo ka qenë kandidate për t`u zgjedhur deputete në Parlamentin e Kantonit të saj. Për këtë kandidim dhe për aktivitete tjera të saj, ka shkruar edhe albinfo.ch.
Ndërkohë, aktivistja me rrënjë nga Gostivari, ka treguar një angazhim të veçantë edhe në luftimin e koronavirusit në regjionin ku jeton.
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998