Lajme
Davos mund të mos ogranizohet as vitin e ardhshëm
Humbja e mundshme e ngjarjes për bizneset në Davos do të ishte e konsiderueshme
Takimi i nivelit të lartë të Forumit Ekonomik Botëror (WEF) mund të mos zhvillohet në Davos vitin e ardhshëm.
Pandemia tashmë i kishte detyruar organizatorët të shtyjnë ngjarjen nga faza e zakonshme e janarit në një datë të mundshme të hershme të verës, shkruan swissinfo, përcjell albinfo.ch.
Por hotelierët në Davos, vendpushimi alpin që ka pritur konferencën globale për 50 vitet e fundit, tani kanë marrë një letër duke hedhur dyshime nëse “WEF 2021” do të zhvillohet atje vitin e ardhshëm. Gazeta “Südostschweiz” tregoi historinë e cila u konfirmua për agjencinë e lajmeve Keystone-SDA.
Një zëdhënës i WEF tha për swissinfo.ch se nuk ishte “duke u komunikuar për këtë temë për momentin, sepse ende nuk është marrë ndonjë vendim”. Ai shtoi se informacioni shtesë do të vihej në dispozicion në javët e ardhshme.
Sipas transmetuesit publik radiofonik zviceran SRF, vendet e mundshme zëvendësuese për ngjarjen mund të përfshijnë vendpushimin Bürgenstock në Zvicrën qendrore, ose Lugano në kantonin jugor Ticino.
Në qershor, WEF tha se do të pakësonte veprimtarinë e saj vjetore, e cila tërheq mijëra politikanë, njerëz të biznesit dhe drejtues të shoqërisë civile çdo vit. Plani ishte që ta vinte në skenë në Davos nga 26-29 Janar, por me më pak pjesëmarrës dhe një lidhje virtuale me 400 qytete në të gjithë botën.
Por në gusht WEF tha se nuk mund të mbante takimin në Davos në janar për shkak të frikës nga Covid-19. Ai sugjeroi një shtyrje të mundshme për në fillim të verës 2021 por shtoi se një vendim përfundimtar nuk mund të merret derisa “të jemi të siguruar që të gjitha kushtet janë përmbushur për të garantuar shëndetin dhe sigurinë e pjesëmarrësve tanë dhe të komunitetit pritës”.
Humbja e mundshme e ngjarjes për bizneset në Davos do të ishte e konsiderueshme.
WEF thotë se ngjarja kryesore e saj kontribuon me dhjetëra miliona franga çdo vit si në Davos ashtu edhe në ekonominë zvicerane në tërësi.
Të ngjashme
Të tjera nga Lajme
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?