Gjermania ndalon reklamat e cigareve nëpër rrugë nga viti 2022

Gjermania më në fund do të ndalojë reklamimin e duhanit në natyrë nga 2022, njoftoi Parlamenti të premten, duke u bërë vendi i fundit në BE që e bën këtë.

Dhoma e sipërme gjermane vuri vulën e fundit të miratimit mbi legjislacionin e ri që shtrëngon kufizimet në reklamat e duhanit, pasi mjekët bënë fushatë për vite me radhë për ta bërë duhanin më pak tërheqës për adoleshentët dhe të rinjtë.

Reklamimi i duhanit tashmë është i jashtëligjshëm në mediat gjermane, por vendi ka qenë prej kohësh i vetmi shtet anëtar i BE-së që ende lejoi postera në rrugë dhe reklama.

Julia Klöckner, ministrja përgjegjëse për Mbrojtjen e Konsumatorit, i tha agjencisë së lajmeve DPA se kufizimet e gjera ishin të vonuara.

“Mbrojtja e shëndetit duhet të jetë përparësia kryesore këtu”, tha ajo.

Legjislacioni i ri përcakton gjithashtu që nga janari 2021, kinematë duhet të ndalojnë reklamimin e produkteve të duhanit përpara filmave ku fëmijët dhe të rinjtë mund të jenë të pranishëm.

Cigaret gjithashtu nuk do të lejohen të dhurohen falas në ngjarje ose në gara nga fillimi i vitit 2021, shkruan the local.de, përcjell albinfo.ch.