Kosova
Njihe Vushtrrinë me Egzonën
Egzona Azemi
Profesioni: Etnologe
Egzona e zhvillon aktivitetin e saj si guidë turistike në qytetin e Vushtrrisë që nga viti 2018. Profesioni i saj si etnologe e plotëson bukur aktivitetin si guidë turistike me fokus në monumentet e trashëgimisë kulturore në qytetin e saj. Studimi i jetës sociale dhe kulturës së shoqërisë i ka dhënë Egzonës hapësirë për ta transmetuar dhe rrëfyer kulturën e vendit tek vizitorët e ndryshëm. Në vitin 2015 ajo ndoqi një trajnim për ushtrimin e profesionit të guidës turistike dhe aty i lindi ideja e ndërlidhjes së dy profesioneve.
Njihe Vushtrrinë me Egzonën
Si guidë turistike e trashëgimisë kulturore në Vushtrri, vizitorët dhe turistët zakonisht i pres në Kalanë e qytetit. Aty i marr në një tur me shpjegime brenda Kalasë, por kam edhe ture të tjera për të cilat jam e njoftuar paraprakisht dhe i udhëheq ata edhe në monumetet e tjera dhe vendeve me interes që janë për t’u vizituar në qytet. Kështu, turi fillon në kala, pastaj shkojmë në hamam, tek Ura e Gurit, vizitojmë objektet fetare dhe kulturore që janë në qytet dhe pika të tjera me interes.
Qyteti i Vushtrrisë është një qytet i vogël, po ka lashtësi dhe historik të dashur, kështu që turi i preferuar është kur pas vizitës në qytet ndalemi në Urën e Gurit pa lum dhe rrëfej historinë e urës si rrugë lidhëse dhe tregtare të qytetërimeve dhe vendeve më të mëdha të kohës së lashtë dhe asaj mesjetare. Pothujase me secilin grup e vizitojmë këtë Urë/monument ngase edhe është prej të rrallave që nuk e përshkon lumi dhe paraqet një simbol të veçantë për qytetin.
Pasioni për profesionin e dytë
Ajo çka e tërheq Egzonën më së shumti në profesionin e dytë si guidë turistike është afërsia që krijon me njerëz dhe mundësia për të shpërfaqur dhe promovuar vendin dhe aftësitë dhe njohuritë në përgjithësi. Për Egzonën, secili moment me turistë dhe vizitorë është i veçantë, ngase secili prej tyre është i ndryshëm dhe transmeton energji të ndryshme. Momentet më të mira janë ato kur merr si shpërblim shumë fjalë të mira dhe e di se i merr si rezultat i punës tënde. Ajo dëshiron të veçojë rastet kur turistët janë kthyer sërish me shoqëri ose familje që të vizitojnë së dyti qytetin dhe vendet e tjera që u ka rekomanduar në vizitën e parë.
Artikulli është publikuar në magazinën albinfo.ch, numrin special të verës 2020 (Qershor-Korrik)
E-Diaspora
-
Bizneset nga diaspora vizitojnë shtëpinë e Kosovës Pa dyshim se “Shtëpia e Kosovës” është një nga komponitë më në zë, si nga ana...
-
Shqiptari diplomon në Columbian University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?