Lajme

“Shpia e Agës” garon për tri çmime në Spanjë

E mërkurë, 15 Korrik 2020 - 19:40 albinfo.ch

Për herë të katërt filmi “Shpia e Agës”, i regjisores Lendita Zeqiraj, është bërë pjesë e një festivali në Spanjë. Në edicionin e sivjetmë të festivalit ndërkombëtar të filmit “Imagine India” në Madrid garon për tri çmime.

Për producentin e “Shpisë së Agës”, Bujar Kabashi, kjo është një dëshmi se filmi po arrin të depërtojë aty ku s’po ia del politika. Sipas tij, këtë po e bën edhe në kohë pandemie, ani pse ekziston një neglizhencë e institucioneve ndaj kulturës dhe artistëve në përgjithësi.

Edicioni i 19-të i “Imagine India” ishte menduar të mbahej prej 17 deri më 31 maj në Madrid, mirëpo për shkak të pandemisë, organizatorët ende nuk kanë dhënë data të reja. Deri tani kanë bërë të ditur vetëm filmat që do të jenë pjesë e programit të sivjetshëm.

“Shpia e Agës” është në mesin e 17 filmave pjesëmarrës dhe garon për çmimin për regjinë më të mirë, aktoren më të mirë (Rozafa Çelaj) dhe muzikën më të mirë, nominim që takon vetë regjisores, pasi ka bërë përzgjedhjen e muzikës./koha.net

 Të ngjashme

Rritja e çmimeve, zviceranët frikësohen për të ardhmen

 Të tjera nga Lajme

Lucern: Gruaja gjendet në banesën e saj disa muaj pasi kishte vdekur

 E-Diaspora

 Jeta në Austri