Në Zvicër 85 raste të reja me COVID-19

Keystone

Zyra Federale e Shëndetit Publik (BAG) në Zvicër ka njoftuar për 85 infeksione të reja me virusin e koronës brenda 24 orëve.

108 raste të reja të konfirmuara u raportuan të shtunën, 104 të premten, 88 të enjten, 129 të mërkurën, 54 të martën dhe 47 të Hënën. Gjithsej 32.883 raste të konfirmuara nga laboratori Covid-19 janë raportuar deri më tani, siç njoftoi BAG të dielën, përcjell albinfo.ch.

Deri më tani, 1686 njerëz kanë vdekur si pasojë e Covid-19. Bazuar në 100,000 banorë, kjo korrespondon me 19.6 viktima.

Gjithsej 4088 njerëz janë detyruar të shtrohen në spital që nga fillimi i pandemisë, katër më shumë se një ditë më parë.

Aktualisht janë 641 persona në izolim për shkak të gjurmimit të kontaktit, ndërsa 2657 persona të tjerë ishin në karantinë.

Numri i testeve të kryera në Sars-CoV-2, deri më tani ka arritur në 683.873. Në 5.8 për qind të këtyre testeve, rezultati ishte pozitiv.