Lajme

Kosovë: 22 pacientë në gjendje kritike nga COVID-19

E shtunë, 11 Korrik 2020 - 18:50 albinfo.ch
Foto: SHSKUK

Vazhdon të rritet numri i personave me COVID-19 që po kërkojnë ndihmë mjekësore në Kosovë.

Shërbimi Spitalor Klinik Universitarë i Kosovës ka njoftuar se në QKUK dhe Spitale Publike janë duke u trajtuar gjithsej  301 pacientë me COVID-19.

Në klinikat e QKUK-së janë të shtrirë 186 pacientë, ndërsa në Spitale Publike 115.

Nga numri i përgjithshëm i pacientëve, 184 janë në oksigjenoterapi, 132 në QKUK dhe 52 në Spitalet e Përgjithshme.

Ndërsa, 22 janë në gjendje të rënduar me përkujdesje intensive.

Instituti Kombëtar i Shëndetësisë Publike ka njoftuar mbrëmë se janë shënuar edhe 205 raste të reja me COVID-19, duke e çuar numrin e rasteve aktive me këtë virus në 2.259.

 Të ngjashme

Si rekrutohet stafi infermieror nga Kosova, në Bavari

 Të tjera nga Lajme

Kompanitë që do të shkurtojnë vendet e punës në Zvicër këtë vjeshtë

 E-Diaspora

 Jeta në Austri