Ambasada Shqiptare në Pragë ka një njoftim për personat që kanë ngecur në Çeki

Keystone

Ambasada Shqiptare në Pragë ka publikuar udhëzimet për lëvizje të personava të cilët janë bllokuar për shkak të vendosjes të Gjendjes Emergjente në Republikën e Çekisë.

Atyre që ju ka mbaruar afati i qëndrimit para 12 marsit të 20020, duhet ta lëshojnë vendin para datës 16 korrik, përcjellë albinfo.ch.

Ky është njoftimi i tyre:

Ambasada Shqiptare Prage publikon udhëzimet për lëvizjen e personave të cilët janë bllokuar për shkak te vendosjes të Gjendjes së Emergjencës në Republikën Çeke.

Shtetasit e huaj, leje qëndrimi ose viza e të cilëve i ka mbaruar afati pas datës 12 Mars 2020, duhet të largohen nga territori Cek brenda datës 16 Korrik. Gjatë kësaj periudhe nuk do të lëshohet urdhër largimi. Për të mundësuar lehtësimin e këtij transiti mes shteteve te tjera të anëtarësuara në BE, do të vendoset një vulë speciale në leje kalimet.

Shtetasit e huaj, të cilët e kanë të pamundur largimin deri në datë 16 KORRIK 2020, për shkak të mos-disponueshmërisë së transportit ajror ose tokësor drejt vendeve të tyre të rezidencës janë te rekomanduar të kontaktojne Policine e te Huajve (Foreign Police Department office). Pas dorëzimit të dokumentit që verifikon mos-disponueshmërinë e kthimit me rrugë ajrore (p.sh. konfirmim i lëshuar nga ambasada), ose dorëzimi i një bilete avioni në datën më të hershme të disponueshme, do të lëshohet një urdhër largimi. Shtetasit e huaj, të cilët nuk do të paraqiten në këtë zyrë ose do të paraqiten pas datës 16 Korrik 2020, do të klasifikohen si persona ilegal në territorin çek.

Rezoluta nr. 683 e qeverisë prej 22 Qershor 2020, mbi kategoritë specifike të punësimit të shtetasve të huaj qëndron në fuqi.

Shtetasit e huaj me leje punësimi afatgjatë dhe afatshkurtër, vizë sezonale punësimi, ose vizë speciale punësimi janë të përjashtuar nga masat e mësipërme.
Qëndrimi i tyre në territorin çek konsiderohet legal deri më 16 Shtator 2020.

N.q.s lejes së gjatë të qëndrimit i mbaron afati, shtetasit e huaj duhet të kontaktojnë zyren e Emigracionit (Department of Asylum and Migration Office).

Shtetasit e huaj të cilëve u është refuzuar leje qëndrimi si rezultat i vendimeve administrative dhe të cilëve u është caktuar një datë largimi, janë te detyruar të largohen nga Republika Çeke brenda afatit të caktuar