Kosovë: 214 raste me COVID-19 brenda 24 orëve

Kosova ka shënuar rekord të ri të rasteve pozitive me COVID-19 gjata 24 orëve të fundit.

Instituti Kombëtar i Shëndetësisë Publike në Kosovë ka njoftuar se janë testuar gjithsej 413 mostra të marra nga Klinika Infektive dhe gjurmimi i kontakteve të rasteve në terren prej të cilëve 214 raste kanë rezultuar pozitive, shkruan albinfo.ch

Rastet pozitive janë nga: komuna Prishtinë 68 raste, komuna Ferizaj 55 raste, komuna Mitrovicë 35 raste, komuna Fushë Kosovë 13 raste, komuna Prizren 10 raste, komuna Lipjan 8 raste, komuna Vushtrri 6 raste, komuna Drenas 3 raste, komuna Podujevë 3 raste, komuna Gjakovë 2 raste, komuna Skenderaj 2 raste, komuna Obiliq 2 raste, komuna Han i Elezit 2 raste, komuna Malishevë 2 raste dhe me nga 1 rast komunat: Junik, Suharekë dhe Shtime.

Ndërsa janë shëruar 60 pacientë.

Numri total i rasteve pozitive është arritur në 4.100 raste, me gjithsej 86 raste të vdekjes të cilët kanë pasur sëmundje të tjera shoqëruese.

Instituti ka bërë apel tek qytetarët që t’u përmbahen rregullave dhe rekomandimeve për parandalimin e përhapjes së infeksionit.

---