Lajme

Spanja do ta rihapë kufirin me vendet e Zonës Schengen më 21 qershor

E diel, 14 Qershor 2020 - 15:20 albinfo.ch

(AP Photo/Ted S. Warren)

Mediet spanjolle kanë raportuar se Spanja do t’i rihapë kufijtë nga 21 qershori për vendet që janë pjesë e Zonës Schengen, shkruan reuters.

Kufiri me Portugalinë pritet të hapet nga 1 korriku. Qeveria spanjolle më parë ka thënë se do ta lejojë hyrjen e turistëve të huaj në vend duke filluar nga 1 korriku pa vetizolim.

Ekonomia e Spanjës është shumë e varur nga turizmi dhe mbyllja e kufirit gjatë sezonit veror do të nënkuptonte humbje të mëdha financiare për vendin e Evropës jugperëndimore.

Spanja është në mesin e shteteve me më së shumti të infektuar dhe të vdekur nga Covid-19 në Evropë dhe në botë, kësisoj qeveria disa herë e ka kërkuar nga kuvendi vazhdimin e afatit të gjendjes emergjente për shkak të frikës nga përhapja e virusit të ri.