Eurodeputetja gjermane: Respektoni vendimin e Kushtetueses

Së fundi ka reaguar edhe eurodeputetja gjermane Viola von Cramon-Taubadel, e cila tha se të gjitha palët duhet të respektojnë vendimin e Gjykatës Kushtetuese lidhur me dekretin e presidentit të Kosovës për mandatarin e qeverisë së re.

Duhet theksuar se eurodeputetja gjermane konsideron të papranueshëm shkëmbimin e territoreve Serbi-Kosovë.

Pas vendimit të Gjykatës Kushtetuese të Kosovës që dekreti i presidentit Hashim Thaçi për ta mandatuar Avdullah Hotin nga Lidhja Demokratike e Kosovës për postin e kryeministrit është në përputhje me Kushtetutën, eurodeputetja gjermane dhe raportuesja e grupit parlamentar Të Gjelbërit/ EFA për Kosovën, Viola von Cramon-Taubadel, në një intervistë për Deutsche Welle tha: “Të gjitha palët duhet të respektojnë vendimin e Gjykatës Kushtetuese; kjo është gjëja më e rëndësishme tani dhe nuk ka alternativë”. /Albinfo.ch