Vetëvendosje, sot, provën e dytë për protestë

©albinfo.ch

Është bërë e ditur se një ditë para se Gjykata Kushtetuese e Kosovës të marrë vendimin final për dekretin e mandatarit, shoqëria civile sot do të organizojë një tubim në sheshet e Prishtinës, ku pritet të marrin pjesë 3500 deri 5000 persona, përcjell albinfo.ch.

“Prova e dytë” për protesta është mohuar të jetë organizuar nga Lëvizja Vetëvendosja, kryetari i së cilës, njëherësh kryeministri në detyrë, Albin Kurti, tha se e drejta e protestës iu takon vetëm qytetarëve dhe se ajo nuk ka të bëjë me vendimin që do të marrë Kushtetuesja.

Ndryshe, edhe më herët në sheshet e Prishtinës janë organizuar ‘prova për protesta’, por me një numër më të vogël të pjesëmarrësve.