Lajme
Franca u bën thirrje qytetarëve t’i kalojnë pushimet brenda vendit
Emmanuel Macron tha se ka të ngjarë që francezët nuk do të mund të udhëtojnë këtë verë
Duket se qeveria franceze nuk dëshiron që këtë verë qytetarët e saj të udhëtojnë jashtë vendit dhe u rekomandon atyre që të kalojnë pushimet në Francë, tha të dielën ministrja franceze e Mjedisit, Elisabeth Borne, transmeton albinfo.ch.
Së fundmi, presidenti francez, Emmanuel Macron, tha se ka të ngjarë që francezët nuk do të mund të udhëtojnë këtë verë, madje, sipas tij, edhe udhëtimet brenda Evropës mund të kufizohen për të zvogëluar rrezikun e një vale të dytë të epidemisë së koronavirusit.
Ndërkohë, ministrja Borne, në një intervistë për radion France Inter, gjithashtu tha se javën e ardhshme qeveria do të vendosë për lehtësimin e rregullave për udhëtimet brenda Francës.
Duhet theksuar se francezët aktualisht nuk mund të udhëtojnë më shumë se 100 kilometra larg shtëpisë, përcjell tutje albinfo.ch.
Ajo tha se parqet e Parisit do të qëndrojnë të mbyllura, pasi kryeqyteti akoma hyn në kategorinë e një “zone të kuqe” të rrezikshmërisë nga koronavirusi.
Nga ana tjetër, kryetarja e Parisit, Anne Hidalgo, i ka bërë thirrje në mënyrë të përsëritur qeverisë që të rihapë parqet, pasi banorët, të cilët kryesisht jetojnë në apartamente pa kopshte, kanë tendencë të mblidhen rreth parqeve të mbyllura, ku është e vështirë të respektohen rregullat e distancës fizike. /REL
E-Diaspora
-
Pianistja e njohur kosovare, Lule Elezi, mban koncert recital në vendlindjen e Shopenit Pianistja Lule Elezi mban koncert recital në vendin frymëzues të Frederic Chopin ...
-
Kush është gruaja që ju flet shqip kur fluturoni me CHAIR?
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë