Futboll
Liverpooli po e përcjell nga afër Milot Rashicën
Werder edicionin e kaluar kishte paraqitje fantastike, derisa Rashica ishte ndër më të mirët
Duket se tashmë futbollisti i Përfaqësueses së Kosovës, Milot Rashica, pritet të ketë lëvizje të bujshme në verë, kjo pasi është një nga lojtarët më të ndritshëm te Werderi në luftën e ashpër që kjo skuadër po e bën për mbijetesë në Bundesligë.
Duke e parë këtë situatë, thuhet se Liverpooli është duke e shikuar nga afër atë.
Sipas informacioneve, sulmuesi i RB i Leipzigut, Timo Werner, kishte flirtuar me skuadrën e kuqe me muaj, por duket se tani vëmendjen e ka marrë Milot Rashica. Këtë e kishte zbuluar edhe presidenti i Federatës së Futbollit të Kosovës, Agim Ademi, i cili kishte thënë se Liverpooli e ka kontaktuar lojtarin.
Po ashtu, në Gjermani u raportua se Leipzigu kishte rënë dakord për një kalim të futbollistit të Kosovës, por drejtori sportiv i RB Leipzigut, Markus Krosche, ka mohuar që të kenë arritur një marrëveshje e tillë.
Gjithsesi, Rashica është e sigurt që do të ketë shumë kërkesa këtë verë, veçanërisht nëse Bremeni largohet nga Bundesliga, shkruan “Goal.com”.
Duhet theksuar se Werder edicionin e kaluar kishte paraqitje fantastike, derisa Rashica ishte ndër më të mirët, me shtatë golat dhe katër asistime në 20 ndeshje.
Futbollisti ka luajtur shumë mirë edhe pas sulmuesit dhe ka bërë punë të mirë edhe në aspektin defansiv, por gjithsesi ai ka shkëlqyer në krahun e majtë, duke i shfrytëzuar gjuajtjet shumë të forta, por edhe për të gjetur shokët e skuadrës në zonë.
Të jesh kontribuuesi më i madh te Bremeni nuk është e thjeshtë, Rashica tashmë ka marrë nofkën “The Rocket”, pasi ai cilësohet si një nga më të shpejtit në skuadër dhe cilësohet lojtar kryesor, përcjell albinfo.ch.
E-Diaspora
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian Kryeministri Edi Rama, fjalimin në pallatin e sportit “Busto Arsizio” në Itali, e nisi me një...
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë