Në Maqedoninë e Veriut regjistrohen 40 raste të reja me Covid-19

Keystone EPA/GEORGI LICOVSKI

Gjatë 24 orëve të fundit në Maqedoninë e Veriut janë regjistruar 40 raste të reja të infektimit me pandeminë e koronavirusit, shifër kjo më e larta që nga 16 prilli kur ishin regjistruar 107 të infektuar.

Numri më i madh i të infektuarve është në Shkup dhe në Tetovë, që po konsiderohen si zona me rrezik të lartë.

Të dhënat kanë të bëjnë me 549 testet e kryera në të gjithë vendin.

Është regjistruar edhe një viktimë duke e çuar në 111 numrin e përgjithshëm të vitkimave. Po ashtu 11 persona janë shëruar.

Që nga paraqitja e rastit të parë, me koronavirus janë diagnostikuar 1,898 dhe prej tyre 1378 janë shëruar ndërsa 409 ende janë aktiv, përcjell Albinfo.ch