Feja
“Imami thërret për lutjet në Ramazan, përmes Aplikacionit”
Xhamia në Wil, karshi faqes së saj zyrtare në Facebook tashmë ka edhe një ide tjetër, një APP!, shkruan gazeta zvicerane “20 Minuten”
Situata me Covid 19, përveç se ka paralizuar pjesërisht zhvillimin dhe lëvizjen e njerëzve, ka pamundësuar dhe praktikimin e jetës fetare në mënyrën tradicionale duke u falur dhe lutur në xhami, kisha e kulte tjera të besimit. Megjithëkëtë komunitetet fetare, janë munduar të gjejnë rrugë dhe mënyra tjera, për të qenë bashkë me besimtarët edhe më këto kohë të vështira.
“Xhamia në Wil sikur edhe të gjitha bashkësitë tjera fetare, është munduar të gjejë ide dhe rrugë që do të na mundësonin të ruajmë kontaktet me anëtarët tanë në këto kohëra pandemie” – thotë për “20 minuten” Bekim Alimi, Imam në Xhaminë e Wilit.
Përderisa Kisha Katolike është fokusuar në live streaming, transmetim të drejtpërdrejtë me një buxhet të lartë, bashkësitë tjera fetare kanë gjurmuar rrugë tjera që kanë kosto më të ulta. Si shembull kemi xhaminë në Wil, e cila karshi faqes së saj zyrtare në Facebook Xhamia Wil dhe kanalit në Youtube Xhamia Wil, tashmë ka edhe një ide tjetër, një APP!, shkruan gazeta zvicerane “20 Minuten”.
“Kjo ide ka lindur gati një vit më herët, për shkak se jo të gjithë anëtarët e xhamisë kanë qasje në FB, andaj përmes ziles (Notifikation), anëtarët që kanë instaluar këtë APP, thjesht mund të gjejnë në mënyrë shumë të shpejtë informatat por edhe të kërkojnë informata. P.sh. përmes rubrikës, “na kontakto” me zbrazëtirë, personi mund të futë kërkesën e tij dhe ta lëshojë atë me klikimin e një suste, gjë që i mundëson të arrijë shpejt ta kontaktoje kryesinë apo imamin” – sqaron Alimi.
Ndryshe në APP Instalacionin e Xhamisë së Wil-it, do të gjeni dhe disa rubrika si News, 3D-pamje, qasje mbi kryesinë, aty është instaluar edhe Takvimi (kalendari i namazeve) përshtatur kohës lokale të qytetit Wil.
Kjo i mundëson anëtarit të kësaj xhamie të shohë edhe kohën e Namazit të Sabahut, pa kalkuluar sa kohë para lindjes diellit, apo pas Imsakut duhet të falet namazi Sabahut.
Ky App përdoret edhe në gjuhën gjermane. Në Settings mund të ndryshoni gjuhën apo edhe të bëni rikujtim të namazit, para se të vijë koha!
App aplikacioni mund të shkarkohet lehtë në Play Store apo App Store, thjesht duke shkruar “Moschee Wil”.
Të ngjashme
Të tjera nga Feja
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë