Lajme
Italia me numrin më të ulët të të infektuarve me koronavirus që nga 10 marsi
Italia ka raportuar 236 vdekje që kanë ndërlidhshmëri me koronavirusin në 24 orët e fundit, ka bërë të ditur Ministria e Shëndetësisë italiane në konferencën e përditshme të martën.
Kështu, shifra totale e viktimave nga sëmundja Covid-19 në vend ka arritur në 29,315. Italia tashmë radhitet në vendin e tretë në listën e shteteve për nga numri i vdekjeve të shkaktuara nga virusi pandemik. Britania e Madhe, me rastet e paraqitura të martën, ka arritur numrin e viktimave në rreth 30 mijë, shkruan lajmi.net.
Përgjatë konferencës së përditshme të përditësimit të informacioneve statistikore për koronavirusin, u bë e ditur se shteti evropian në periudhën e fundit një-ditore ka raportuar 1,075 raste. Kjo është shifra më e ulët e infeksioneve që janë paraqitur në Itali që prej 10 marsit, periudhës kur vendi zgjeroi masat e emergjencës së shëndetit publik. Bilanci total i të infektuarve ka arritur në 213,013 të diagnostikuar me virusin ngjitës.
Numri i rasteve aktive në shtetin e Gadishullit Apenin tanimë ka arritur në 98,467. Vetëm 1,427 janë në gjendje kritike, të cilët po trajtohen në repartet e kujdesit intenziv në spitalet italiane.
Italia që nga dita e djeshme ka relaksuar masat e ndërmarra për koronavirus. Ajo tashmë ka lejuar shërbimin “takeaway” në restorante, në një përpjekje që të rivitalizojë ekonominë në vend. Italianët gjithashtu janë lejuar të vizitojnë të afërmit e tyre, për herë të parë pas dy muajsh izolim.
Bilanci total i të infektuarve me virusin tejet ngjitës në botë ka arritur në 3,687,676, derisa janë raportuar 255,138 vdekje, sipas të dhënave të platformës Worldometer. I njëjti burim, i cili i përditëson të dhënat në kohë reale, bën me dije se 1,220,630 pacientë janë rikuperuar nga sëmundja, shkruajnë mediat shqiptare, përcjell albinfo.ch.
E-Diaspora
-
Breshëri dëmtoi rëndë aeroplanin e „Austria Airlines” para aterimit në Vjenë Xhami i përparmë dhe "hunda" e aeroplanit u dëmtuan rëndë nga breshëri, por fatmirësisht askush nuk...
-
Lorian Musa fiton medaljen e artë në turneun ndërkombëtar të karatesë, në Luksemburg
-
Një shqiptar, kandidat për zgjedhjet federale në Bruksel
-
Pianistja Lule Elezi me koncert recital për nder të Lidhjes Shqiptare të Prizrenit
-
Reportazh nga Televizioni Zviceran RTS për kulturën shqiptare
Jeta në Austri
-
Breshëri dëmtoi rëndë aeroplanin e „Austria Airlines” para aterimit në Vjenë Xhami i përparmë dhe "hunda" e aeroplanit u dëmtuan rëndë nga breshëri, por fatmirësisht askush nuk...
-
Partia austriake e ekstremit të djathtë – FPO, po kryeson zgjedhjet evropiane
-
Reshjet e shiut shkaktojnë përmbytje në Austri
-
Përfundon me rezultat 1-1 miqësorja Zvicër-Austri
-
Widmer shënon për Zvicrën, rezultati 1-1