Lajme
Firma shqiptare „IAT“ në Austri mirëmban hekurudhën e projektuar nga Karl Gega
“Njerëzit si Karl Ritter (kalorës) Gega na bëjnë nder që jemi shqiptarë”, tregon me krenari Basri Miftaraj, njëri nga vëllezërit që udhëheqin këtë firmë.
Karl Gega ishte inxhinieri shqiptar që para më shumë se një shekulli e gjysmë kishte mahnitur botën me ndërtimet e tij. Ai është bërë i famshëm si ndërtues i hekurudhës së Semeringut (Semmeringbahn). Bëhet fjalë për hekurudhën e parë të ndërtuar në vise malore, në gjithë botën, që është kryevepër ndërtimore e tij dhe e Austrisë në atë kohë.
E tani pas 160 vjetësh që nga vdekja e tij, firma shqiptare në Austri “IAT” (Injektions –und Abdichtungstechnik GmbH) prej katër vjetësh përkujdeset për mirëmbajtjen statike të harkoreve si dhe izolimin e mbajtëseve kundër erozionit të dheut nën fondamentet e harkoreve të urave. “Është nder dhe kënaqësi për firmën tonë që prej katër vjetësh kemi mundësinë të mirëmbajmë këtë hekurudhë gjigante, e cila lidh Vjenën me Triesten në Alpet Austriake në 984 m lartësi mbidetare”, theksoi për Albinfo Austria, pronari i firmës, Basri Miftaraj.
Karl Gega pas një qëndrimi disamujor në rrethinën e Semeringut, kishte planifikuar 15 tunele dhe 16 harkore (Viaduke Romake) për të lidhur vijat e hekurudhës Glognitz – Mürzzuuschlag. “Njerëzit si Karl Ritter (kalorës) Gega na bëjnë nder që jemi shqiptarë”, tregon me krenari Basri Miftaraj, njëri nga vëllezërit që udhëheqin këtë firmë.
Firma “IAT” është një nga firmat më të suksesshme shqiptare në Austri, por shumë e njohur edhe në tregun austriak. Ajo merret me izolimet e sofistikuar kundër ujit të banesave, bodrumeve, kurse po ashtu janë të specializuar në ndërtimin e ulët: në tunele, hekurudha e të tjera.
Karl Ritter Gega u lind më 10 janar të vitit 1802 në Venedik nga prindërit me prejardhje shqiptare, ndërsa vdiq më 14 mars të vitit 1860 në Vjenë.
Trupi i pajetë i Karl Gegës është i vendosur në varrezat e personave më të shquar në historinë e Austrisë.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte