Masakër në Kanada: Të paktën 10 të vrarë

Në mesin e të vrarëve është edhe një police, bëjnë të ditur autoritetet hetuese

Së paku 10 të vrarë. Ky është bilanci tragjik e plojës që ndodhi në qytetin e vogël Portapique, në provincën Nova Skotia të Kanadasë. Një person i armatosur, i veshur me uniformë polici, ka ndjekur dhe vrarë pa shkas, përgjatë disa orëve 10 veta dhe në fund është vrarë nga policia, shkruajnë mediat ndërkombëtare.

Në mesin e të vrarëve është edhe një police, bëjnë të ditur autoritetet hetuese, tranmseton albinfo.ch. Sipas tyre, hetimet ende ndodhen në fazën fillestare, prandaj nuk dihen shumë hollësi rreth rastit.

Ajo që dihet, është se vrasësi i dyshuar, një burrë 51-vjeçar (Gabriel Wortman), pas një ndjekjeje disaorëshe, është kapur nga policia dhe gjatë kapjes është vrarë.

Në natën mes të shtunës dhe të dielës policia kishte marrë raporte në lidhje me një sulmues të armatosur, përcjell albinfo.ch. Për këtë arsye, autoritetet policore kishin kërkuar nga qytetarët që të rrinë në shtëpitë e tyre dhe t`i mbyllin dyert.

 

---